2025 оны Япон Улсаас Монгол Улсад суугаа Элчин сайдын өргөмжлөл гардуулах ёслолын арга хэмжээ болов

2026 оны 3 дугаар сарын 26-ны өдөр Япон Улсаас Монгол Улсад суугаа Элчин сайдын өргөөнд болсон ёслолын арга хэмжээний үеэр манай байгууллагын Удирдах зөвлөлийн дарга Чиба Хисао "Элчин сайдын өргөмжлөл"-ийг гардан авлаа.

Энэхүү нэр хүндтэй шагналыг Япон, Монгол хоёр орны найрамдалт харилцааг бэхжүүлэх, ард түмний харилцан ойлголцлыг гүнзгийрүүлэх болон хүний нөөцийг чадавхжуулахад оруулсан бодит хувь нэмрийг нь өндрөөр үнэлэн олгож байгаа юм.

Элчин сайд М.Игавахара шагнал гардуулах үеэрээ УЗ-ийн дарга Чиба Хисаогийн олон жилийн хичээл зүтгэл, хоёр орны гүүр болж ирсэн үйл ажиллагаанд гүн талархал илэрхийллээ.

Бидний үйл ажиллагааг ямагт дэмжиж, хамтран ажилладаг түншүүддээ баярлалаа. Бид цаашид ч Азийн бүс нутаг дахь хүний хөгжил, найрамдалт харилцааны төлөө улам хичээнгүйлэн ажиллах болно.